Pakistanyň nebit ministri Musadik Maligiň ýolbaşçylygyndaky wekilçilikli topar düýn çig nebitiň we nebit önümlerini satyn almak üçin gepleşikleri geçirmek maksady bilen Moskwa bardy. Bu barada Business recorder neşiri habar berdi diýip, Gazeta.ru ýazýar.
Neşir soňky döwürde energiýa göterijilerine dünýä nyrhlarynyň barha gymmatlaýan şertlerinde Russiýadan arzanladylan nyrhdan nebit satyn almak pikiriniň Pakistanda ýörgünli bolandygyny belleýär.
10-nji iýunda Russiýanyň Karaçidäki baş konsuly Andreý Fýodorow eger Pakistan ýüz tutsa, Russiýadan nebitdir nebit önümleriniň aşakladylan baha bilen satyn alyp biljekdigini ýaňzydypdy. Konsul nebit temasynyň Pakistanyň öňki premýer-ministri Imran Han tarapyndan onuň Moskwa sapary wagtynda ara alnyp maslahatlaşylandygyny, emma ylalaşyklaryň gazanylmandygyny sözüniň üstüne goşdy.