Azyk harytlarynyň global bahasy bugdaýa we süýt önümlerine bolan islegiň artmagy netijesinde bassyr dördünji aý ýokarlanýar. Şeýle maglumatlary BMG-niň Azyk we Oba hojalyk guramasy (FAO) ýaýratdy diýip, TASS habar berýär.
Azyk önümleriniň esasy görnüşleri üçin halkara bahalaryň aýlyk üýtgemelerini görkezýän FAO-nyň azyk bahalarynyň ortaça indeks derejesi noýabr aýynda 134,4 punkt boldy, bu hem 2011-nji ýylyň iýun aýyndan bäri iň ýokary görkezijidir. Bu görkeziji oktýabr aýyna garanyňda, 1,2% ýokarydyr.
Hususan-da, süýt önümleriniň bahasynyň ýokarlanandygy bellenilýär: harytlaryň bu kategoriýasy üçin baha indeksi geçen aý bilen deňeşdirilende, 3,4% ýokarlandy. “Ýag we gury süýt üçin ýokary global import islegi saklandy” diýip, guramanyň hünärmenleri bellediler.
Noýabr aýynda FAO-nyň däneli ekinler üçin baha indeksi oktýabr aýy bilen deňeşdirilende, 3,1% ýokarlanyp, geçen ýyldaky derejeden 23,2% ýokary boldy.Bugdaýyň bahasy 2011-nji ýylyň maý aýyndan bäri iň ýokary derejä ýetdi. “Ösüş, şol sanda Russiýa Federasiýasynda eksport çäreleriniň bolup biljek üýtgemeleri bilen baglanyşykly näbellilik bilen baha derejesiniň goldanylan wagtynda-da, aýratynam ýokary hilli bugdaýyň çäkli üpjünçiliginiň fonunda ýokary islegiň bardygyny görkezdi” diýip, BMG-niň guramasy belledi.
Noýabr aýynda şekeriň baha indeksi 1,4% ýokarlandy. Ösümlik ýaglary üçin baha indeksi 0,3%, et üçin 0,9% peseldi.