Samsonite kompaniýasy Konnect-i modelli egne asylýan torbalaryň täze görnüşini satuwa çykardy.Täze harytda rýukzagy şahsy smartfon bilen baglamaga mümkinçilik berýän Google kompaniýasynyň Jacquard tehnologiýasy ulanylypdyr.
Torbanyň egne asylýan kemerleriniň birine ýerleşdirilen akylly enjam eliň hereketleri bilen Jacquard applikasiýasy ýüklenen smartfony dolandyrmaga mümkinçilik berýär.Applikasiýanyň üsti bilen smartfonyň jaňlaryny kabul etmek, surata düşürmek, ses ulgamyny dolandyrmak we ýol görkezmek ýaly aýratynlyklary işjeňleşdirjek hereketlerini sazlap bolýar.
Smartfona jaň ýa-da SMS gelende torbanyň enjam ýerleşdirilen gözenegi ýalpyldaýar we titreýär.
Suw geçirmeýän matadan tikilen täze Konnect-i modelinde 15,6 dýuýmlyk kompýuterlere niýetlenen jübi hem göz öňünde tutulypdyr. Torbadaky Jacquard tehnologiýasyny iOS we Android dolandyryş ulgamlarynyň ikisinde hem ulanmak mümkin.
Has akylly hereket et şygary bilen bazara çykarylan täze rýukzagyň adaty görnüşi 219,99 dollardan, has inçe görnüşi 199,99 dollardan satylýar.