Naýbaşy liganyň şu möwsümindäki gollarynyň sanyny 120-den geçiren Köpetdag futzal topary Daşoguz şäherinde bolan 22-nji tapgyryň duşuşygynda Ahaly 10:2 hasabynda ýeňdi. Bu bolsa tapgyryň iň uly hasaply ýeňşidir.
Şeýlelikde, 22 tapgyrda 57 utuk ýygnan Köpetdag Deňizçi bilen bilelikde ýaryşyň başyny çekýär. 12 utukly Ahal bolsa iň soňky orundaky Milli goşundan bary-ýogy 2 utuklyk we bir basgançaklyk tapawut bilen öňde.
23-nji tapgyrda Köpetdag çempionlyk üçin esasy garşydaşy bolan Deňizçi bilen güýç synanyşar. Bu duşuşyk 5-nji dekabr güni Aşgabat şäherinde geçiriler. Şol gün Ahal möwsümiň bürünç medaly üçin göreşýän Gümrükçi bilen duşuşar.