Oba we tokaý hojalygy ministri Wahit Kirişçi, Gara deňiz galla geçelgesiniň dünýäde başdan geçirilýän azyk ýetmezçiliginiň ortadan aýrylmagynda uly rol oýnaýandygyny aýtdy.
Ministr Kirişçi, Stambulda eden çykyşynda, Russiýa-Ukraina söweşiniň azyk ýetmezçiligine sebäp bolandygyny belledi.
Kirişçi, “5-nji ýanwara çenli Gara deňiz galla geçelgesinden 626 gämi geçdi. Şol gämiler bilen 16,8 million tonna galla daşaldy. Gallanyň 54 göterimi Ýewropa, 28 göterimi Aziýa, 12 göterimi Afrika, 6 göterimi hem Ýakyn Gündogar ýurtlaryna ýetirildi. Galla geçelgesi dünýäde başdan geçirilýän azyk ýetmezçiliginiň ortadan aýrylmagynda uly rol oýnady” diýip belledi.