“Realme” kompaniýasy “Hemmeler üçin 5G” şygary bilen “Realme 7 5G” atly telefony tanyşdyrdy.Deşikli ekrany we insiz çarçuwasy bolan smartfon daşky dizaýny babatda premium derejeli bolmagy bilen tapawutlanýar. 6,5 dýuým ululygynda “Full HD+” durulygynda LCD ekrany bolan telefonyň 6 ýa-da 8 GB RAM-ly we 128 GB içki ýady bar.
Telefonyň yzky tarapynda dört sany kamera bolup, 48 MP esasy, 8 MP ultra giň, 2 MP monokrom we 2 MP makro sensor bar.Selfi kamerasy bolsa, 16 MP durulygynda surata alýar.
Bu telefonyň iň esasy aýratynlyklarynyň biri bolsa, iki sany 5G SIM dakyp bolýandygydyr.Telefonyň batareýasy kuwwaty 5 000 mA/sagada deň.Telefonyň bahasy 229 funt sterling bolar. “Amazon” kompaniýasy bilen hyzmatdaşlygyň çäklerinde telefon gysga wagtlygynda 50 funt sterling arzan satylar.