Prezident R. T. Erdogan, Türkiýäniň radio-telewideniýe guramasy TRT-ä gün tertibiniň ileri tutulýan ugurlary barada beýannama berdi.
Yragyň Duhok welaýatynda geçen hepde ekstremist terror guramasy PKK tarapyndan guralan, 9 adamyň ýogalmagyna sebäp bolan hüjüm hakynda durup geçen Erdogan, hüjümde ýogalanlaryň hossarlaryna Türkiýäniň adyndan gynanç bildirdi.
Prezident Erdogan “Hüjüm terror guramasy PKK/ÝPG-PÝD tarapyndan guraldy.ABŞ-na we Russiýa terror guramasy PKK/ÝPG-PÝD tarapyndan guralýan hüjümler meselesinde ünsli bolmaklaryny isledik.Edil şonuň ýalyda Yrakly dostlarymyza hem mesele barada maglumat berdik.
Berýän beýannamalarymyza üns beriň, Türkiýäniň dostlaryna we doganlaryna garşy tutum alyp barmagy mümkin däl.Biz asla beýle hereket etmeris.Emma terror guramasy Türkiýe bilen Yragyň arasyndaky gatnaşyklara zeper ýetirmek isleýär” diýdi.
Prezident Erdogan, Yragyň Konýada geljek aý geçiriljek sport çäresine gatnaşmazlyk baradaky kararyna gynanç bildirýändigini belledi.