Russiýa Federasiýasynyň Saglygy goraýyş ministrligi koronawirusa garşy “Sputnik V” sanjymynyň saklanyş we daşaýyş temperaturasyny üýtgetdi, indi rugsat berilýän aralyk 2-8 gradus diýip, Saglygy goraýyş ministri Mihail Muraşkonyň beýanyna salgylanmak bilen RIA Nowosti habar berýär.
Onuň aýtmagyna görä, öndüriji bu görkezijide sanjymyň durnuklylygyny üpjün etmegi başardy.
Ýatlap geçsek, “Sputnik V” dünýäde COVID-19-a garşy ilkinji bellige alnan sanjymdyr. Onuň täsirliligi 90%-den geçýär. Derman serişdesi eýýäm Paragwaýda, Argentinada, Boliwiýada, Serbiýada, Alžirde, Palestinada, Wenesuelada, Belarusda, Türkmenistanda we Wengriýada bellige alyndy.