Haber Türk gazedi: "Prezident Erdogan aýan etdi: Galla krizisi çözüldi" söz başyly habarynda, Prezident Rejep Taýýip Erdoganyň, galla krizisiniň çözülendigini aýdandygyny habar berýär. Erdogan düýn beren beýanatynda, Russiýanyň Goranmak ministri Sergeý Şoýgunyň Milli Goranmak ministri Hulusi Akara galla eksportynyň ozalkysy ýaly dowam etjekdigini aýdandygyny beýan etdi.
Sabah gazedi: "Ministr Çawuşoglyndan Gresiýa berk reaksiýa" söz başyly habarynda, Daşary işler ministri Mewlüt Çawuşoglynyň düýn beren beýanatynda, Gresiýa bilen gatnaşyklarda başdan geçirilýän dartgynlygyň sebäbiniň Gresiýadygyny belläp: "Gresiýa bilen gatnaşyklaryň dartgynlaşan wagtlaryna ser salanyňyzda, olar Türkiyeden gözbaş almaýandygyny görersiňiz.
Olar Gresiýadan gözbaş alýar.Halkara hukugyň düzgünini bozan Gresiýadyr.Gresiýanyň soňky wagtlarda telbe bolmagynyň sebäbi Türkiyäniň ähli ugurlar boýunça güýçlenmegidir" diýendigini okyjy köpçüliginiň dykgatyna ýetirýär.
Hürriýet gazedi: "Ministr Mehmet Muş: Eksportda iň ýokary görkezijä ýetdik" söz başyly habarynda, Türkiýäniň Söwda ministri Mehmet Muşyň, Stambulda Türkiyäniň Eksportçylar mejlisinde 2022-nji ýylyň oktýabr aýynyň daşary söwda görkezijileri barada beýannama berendigini mälim edýär.
Türkiýäniň Söwda ministri Mehmet Muş: "Türkiyäniň oktýabr aýyndaky eksporty geçen ýylyň oktýabr aýyna garanyňda 3 göterimlik artyş bilen 21,3 milliard dollara ýetdi" diýip habar berdi.Mehmet Muş: "Ykdysadyýetimizdäki güýçli ösüş 24-nji fewralda başlan Russiýa-Ukraina söweşi we energetika krizisi ýaly meselelere garamazdan 2022-nji ýylda hem dowam edip, şu ýylyň ilkinji ýarymynda ortaça 7,5 göterimlik ösüş hasaba alyndy. Ösüşiň takmynan ýarsynyň eksport sebäpli bolmagy we şeýlelik bilen eksportyň ösüşiň öňbaşçysy bolmaga dowam etmegi, bizi has hem buýsandyrýar. Ähli oňaýsyz hadysalara garamazdan 2021-nji ýylda 57 göterimlik artyş bilen 55,6 milliard dollar bolan hyzmat eksportymyz, şu ýylyň ilkinji 8 aýynda 66 göterimlik artyş bilen 52,5 milliard dollar boldy" diýip mälim etdi.
Ýeni Şafak gazedi: "Barbaros Haýreddin Paşa gämisi Sürmene etrabynyň suw giňişliginde nebit gözleg işlerini geçirer" söz başyly habarynda, Trabzon şäheriniň portyna baran 84 metr uzynlygyndaky we 4 müň 711 tonna agyrlygyndaky Barbaros Haýreddin Paşa gämisiniň Trabzon welaýatynyň Sürmene etrabynyň suw giňişliginde nebit gözleg işlerini geçirjekdigini aýan edýär.
Star gazedi: "Apex World Class-dan THÝ-na sylag" söz başyly habarynda, Türk Howa ýollary kärhanasynyň dünýäniň iň ynamdar we abraýly awiasiýa guramalarynyň biri hökmünde hasaplanýan Apex tarapyndan, berýän hyzmat standartlary bilen ýene-de bir gezek "APEX World Class" we "2023-nji ýyl Bäş ýyldyzly global howa ýoly" sylaglaryna laýyk görülendigini okyjy köpçüliginiň dykgatyna ýetirýär.