NATO-nyň Baş sekretary Ýens Stoltenberg, “Türkiýe, Ýewropa, Russiýa, Yrak we Siriýa meselesinde strategiýa taýdan uly rol oýnaýan NATO agza esasy ýurt” diýdi.
Ýens Stoltenberg, Germaniýada çap edilýän “Bild” gazetine beren beýannamasynda, Finlýandiýanyň we Şwesiýanyň NATO agzalygy meselesinde Türkiýäniň aladalary hakyndaky soraga jogap berdi.
Stoltenberg “Agzalyk ýüz tutmalary taryhy pursatdyr. Agzalyk diňe Finlýandiýa bilen Şwesiýany däl eýsem hemmämizi güýçlendirer” diýdi.
Stoltenberg, NATO agza ýurtlaryň, Şwesiýanyň, Finlýandiýanyň we ÝB-niň PKK-ny terror guramasy hökmünde yglan edendigini ýatlatdy.
“Türkiýe, Ýewropa, Russiýa, Yrak we Siriýa meselesinde strategiýa taýdan uly rol oýnaýan NATO agza esasy ýurt” diýen Stoltenberg, NATO agza hiçbir ýurduň terror sebäpli Türkiýe ýaly uly ýitgi çekmändigini, şol sebäpli hem Türkiýäniň aladalaryna üns berýändiklerini belledi.