Türkmenistanyň Döwlet gümrük gullugy ozal gol çekilen şertnamalaryň çäginde sebitdäki döwletleriň gümrük edaralary bilen hyzmatdaşlygy berkitmäge we ösdürmäge gönükdirilen işleri yzygiderli alyp barýar.Ine, 2021-nji ýylyň 20-nji ýanwarynda Türkmenistanyň Döwlet gümrük gullugynyň wekilleri Owganystan Yslam Respublikasyndan kärdeşleri bilen wideoaragatnaşyk arkaly duşuşdylar.
Duşuşykda iki tarapyň arasynda elektron gümrük maglumatlary alyşmagyň Tehniki şertleri baradaky Teswirnamanyň taslamasy ara alnyp maslahatlaşyldy.Bu taslama Türkmenistanyň Hökümeti bilen Owganystan Yslam Respublikasynyň Hökümetiniň arasynda gümrük işlerinde hyzmatdaşlyk we özara kömek bermek baradaky Ylalaşygyň çäginde işlenip düzüldi.
Bu Teswirnamany durmuşa geçirmek üçin maglumat alyşmak boýunça bilelikdäki iş toparyny döretmek baradaky tekliplere hem seredildi.Türkmenistanyň Döwlet gümrük gullugy we Owganystan Yslam Respublikasynyň Gümrük departamenti tarapyndan agzalan Tehniki şertler tassyklanandan soňra, Teswirnamanyň iş ýüzünde durmuşa geçirilmegine girişiler.
Duşuşygyň ahyrynda Taraplar mundan beýläk hem netijeli hyzmatdaşlyk etjekdiklerine ynam bildirdiler.