Ýaponiýa H2A raketasy bilen kosmosa iki sany ýokary tizlikli aragatnaşyk hemrasyny uçurdy.
Mitsubishi Heavy Industry hem-de Ýaponiýanyň aerokosmos guramasy bolan JAXA tarapyndan işlenip düzülen hemralar H2A raketasy bilen ýurduň günorta-günbatarynda ýerleşýän Kagosimodaky Tanegasima kosmos merkezinden uçuryldy.
Raketa bilen 30 minutdan soň 300 kilometr belentlikdäki kosmosa galdyrylan emeli hemralar, öňki modeliň iş usulyndan 9 esse ýokary tizlik bilen maglumatlary we suratlary ýaýratmaga hyzmat eder.
Uçuryş bilen baglanyşykly beýan beren premýer-ministr Suga Ýosihide: Milli howpsuzlygy we krizis dolandyryşyny güýçlendirmeklik üçin hemralary doly derejede ulanarys. diýip belledi.
Ýaponiýanyň JAXA aerokosmos guramasy bolsa hemralaryň has çeýe we örän uzak aragatnaşyk kuwwatyna eýe boljakdygyny mälim etdi.