Polatdan edilen gurluşyk harytlarynyň bahasy Ýaponiýada soňky 13 ýyl 8 aýda iň ýokary derejä çykdy diýip, Nikkei gazeti habar berdi. Bu barada Gazeta.ru ýazýar.
Tokyo Steel kompaniýasy nyrhlary 6-9 göterim gymmatlatdy, indi gurluşykda ulanýan polat pürsleriň bahasy 121000 iýene (1 müň dollar töweregi) deň boldy.
Kyoei Steel kompaniýasy bolsa polat armaturanyň bahasyny 7 göterim gymmatlatdy. Ýapon gurluşyk kompaniýalary agaç, şpon we beton ýaly beýleki serişdelere hem nyrhlaryň gymmatlamagy bilen ýüzbe-ýüz boldular.