22-nji ýanwarda Türkmenistanyň “Sport” teleýaýlymy bilen Türkmenistanyň Futbol federasiýasynyň hünärmenleriniň bilelikde taýýarlan “Ýaşyl meýdança” gepleşiginiň nobatdakysy ýaýlyma goýberiler.
Bu gepleşikde Türkmenistanyň futbol klublarynyň AFK-daky çykyşlary barasynda giňişleýin gürrüň ediler. Gepleşigiň dowamynda öz döwründe ýurdumyzyň milli ýygyndysynyň, paýtagtymyzyň “Köpetdagynyň” hem-de beýleki toparlarymyzyň düzüminde çykyş eden Wladimir Millerdir Kamil Mingazow bilen söhbetdeşlige tomaşa etmäge hem mümkinçilik dörediler.
Şeýle-de, gepleşigiň dowamynda Türkmenistanyň Futbol federasiýasynyň resmi saýty bolan tff.com.tm saýtynyň alyp barýan işleri hakynda hem giňişleýin gürrüň ediler.