Siriýanyň hökümeti, Siriýanyň demirgazygynda ýerleşýän Halap howa menziline Ysraýyl tarapyndan howa hüjüminiň guralandygyny öňe sürdi.
Siriýanyň SANA habarlar gullugynyň harby ýolbaşçylara esaslanýan habaryna görä, Halabyň şäher merkeziniň gündogarynda ýerleşýän howa menziliniň golaýyna ýerli wagt bilen 03.55-de Ysraýyl tarapyndan howa hüjümi guraldy.
Habarda, hüjümiň howa menziline zeper ýetirendigi nygtaldy.
Siriýanyň hökümeti, howa menziline 7-nji martda Ysraýyl tarapyndan guralan hüjümde hem uly zeper ýetirlendigini öňe sürüpdi.
Halapda Asada tabynlykdaky güýçler bilen birlikde Eýran tarapyndan goldanýan daşary ýurtly terrorçy toparlar we Hizbullaha degişli harby merkezler ýerleşýär.
Ysraýyl tarapyndan hüjüm hakynda heniz hiç hili beýannama berilmedi.
Ysraýyl, içerki urşuň başlan ýyly bolan 2011-nji ýyldan bäri Siriýada wagtal-wagtal Eýran tarapyndan goldanýan toparlary we Asada tabynlykdaky güýçlere degişli merkezleri nyşana alýar.