Häzirki wagtda Merkezi Aziýanyň ilaty takmynan 80,8 milliondan gowrak. Soňky on ýylyň içinde ilatyň sany ortaça bir million köpeldi.
Hünärmenleriň pikiriçe, bu görkeziji 2050-nji ýyla çenli 100 milliondan geçer diýip, newscentralasia ýazýar.
Bellenilişi ýaly, sebitde ýaşlaryň sowatlylyk derejesi ýokary bolup, 35 ýaşdan aşakdaky ilatyň 100 göterimi sanly ulgamdan baş çykaryp bilýär.Sanly sowatlylyk diýlen görkezijide kompýuter, innowasion tehnologiýalar, maglumat we metbugat sowatlylygy ýaly endikler göz öňünde tutulýar. Ýeri gelende, Ilat ýazuwy — 2022: Jebislik, Bagtyýarlyk, Röwşen geljek şygary astynda geçen ilatyň we ýaşaýyş jaý gorunyň uçdantutma ýazuwynyň netijelerine salgylanyp aýtsak, 2022-nji ýylyň 17-nji dekabryndaky ýagdaýyna görä, Türkmenistanyň umumy ilaty 7 057 841 adam boldy.