Kahramanmaraşyň Pazarjyk etrabynda ir sagat 04.17-de bolan 7,7 bal, Elbistan etrabynda bolan 7,6 bal ululygyndaky ýer titremesinde ýogalanlaryň sany 3 müň 381 adama ýetdi.
Tebigy apatlar we adatdan daşary ýagdaýlar edarasy AFAD-yň başlygy Ýunus Sezer, güýç merkezi Kahramanmaraş bolan ýer titremesinde ýogalanlaryň sanynyň 3 müň 381, ýaralananlaryň sanynyň bolsa 20 müň 426 adama ýetendigini mälim etdi.
Tebigy apatlar we adatdan daşary ýagdaýlar edarasy AFAD-yň internet saýtynda berlen habara görä, Kahramanmaraşda düýn ir sagat 04.17-de ýeriň 7 kilomatr aşagynda 7,7 bal, Elbistan etrabynda hem Türkiýe wagty bilen 13.24-de 7,6 bal ululygynda ýer titremesi boldy.
10-dan gowrak welaýatda hem duýulan ýer titremesinden soň, halkara derjesinde beriljek kömekleri hem öz içine alýan 4-nji derejede adatdan daşary ýagdaý dolanşygyna geçildi.
Beýleki tarapdan Hataýyň Odabaşy etrapçasynda ýykylan binanyň harabalygyndan 30 ýaşyndaky Hülýa Ýylmaz bilen 6 aýlyk bäbejigi Aýşe Wera Ýylmaz 29 sagat soň sag aman halas edildi.
Hülýa Ýylmaz bilen gyzy Aýşe Wera hassahanda bejergi astyna alyndy
Ýykylan binalaryň ýerleşýän ýerlerinde gözleg we halas ediş işleri dowam edýär.