ABŞ-nyň Goranmak ministrligi Pentagon Ýakyn Gündogardaky ýagdaý bilen ýakyndan gyzyklanýandygyny we sebitde dartgynlygyň azaldylmagy ugrunda tagalla edilýandigini habar berdi.
Ministrligiň metbugat sekretarynyň orunbasary Sabrina Singh beren beýannamasynda ABŞ-nyň dartgynlyk möwjän halatynda Ysraýyly we Amerikan güýçlerini goramaga taýýardygyny aýtdy.
ABŞ-nyň sebitdäki harby pozisiýasyny güýçlendirendigini nygtan Singh; “Möwç alýan sebitleýin dartgynlyk şertlerinde ýüzöwürdijilik hem-de Ysraýylyň goranyşy üçin pozisiýa eýeläp, sebitdäki dartgynlygy azaltmak ugrundaky tagallamyzy dowam etdirýäris” diýdi.
Ýakyn Gündogardaky ýagdaý bilen ýakyndan gyzyklanmaga dowam etjekdiklerini nygtan Singh; “Ysrtaýyla hüjüm edilen halatynda, hökmany suratda Ysraýyly goramaga geleris” diýdi.
Singh ABŞ-nyň sebitdäki harby pozisiýasyny güýçlendirmeginiň “ýüzöwürdiji we sebitleýin dartgynlyk islemeýändigini görkezmek maksatlydygyny” nygtap, Gazada hüjümleri bes etmek üçin tagallalaryny dowam etdirjekdiklerini sözleriniň üstüne goşdy.
ABŞ-nyň Goranmak ministri Lloýd Ostin ýadro ýangyjy bilen işleýän we F-35 harby uçarlaryny göterýän “USS Abraham Linkoln” gämisiniň Ýakyn Gündogarda jogapkär bolan sebitine gysga wagtda gitmegi üçin görkezme berendigini beýan edipdi.