Ýerli metbugat ABŞ-Ysraýylyň Tährandaky ýaşaýyş jaýyna hüjüm etmegi netijesinde Eýranyň ýokary derejeli resmisiniň agyr ýaralanandygyny habar berdi.
Habarlara görä, Daşary gatnaşyklar boýunça strategik geňeşiň başlygy we öňki daşary işler ministri Kamal Harrazi öýüne guralan hüjümde ýaralandy.
Harrazi agyr ýaralar sebäpli hassahana äkidildi, aýaly bolsa hüjümde ýogaldy.
Harrazi merhum dini lider Ali Hameneýiniň tejribeli geňeşçileriniň biridi.
Harrazi täze dini lider Mojtaba Hameneýiniň kakasynyň dolanşygy döwründe işlän resmilerini çalyşmandygy sebäpli öz ornuny gorap saklaýardy.
ABŞ we Ysraýyl 28-nji fewraldan bäri Eýrana garşy howa hüjümlerini gurap, Ali Hameneýi bilen birlikde 1340-dan gowrak adamyň ölümine sebäp boldular.
Eýran Ysraýyla, şeýle hem Iordaniýa, Yraga we ABŞ-nyň harby güýçleriniň ýerleşýän Pars aýlagy döwletlerine garşy uçarmansyz howa ulagy we raketa hüjümleri bilen jogap berdi.
Hüjümler adam pidalaryna we infrastruktura zyýan ýetirdi, şeýle hem dünýä bazarlaryna we howa gatnawlaryna zeper ýetirdi.