2026-njy ýylyň 10-njy iýunynda Türkmenistanyň Gruziýadaky Adatdan daşary we Doly ygtyýarly Ilçisi D.Seýitmämmedow Gruziýanyň Halk goragçysy (Ombudsmen) L.Ioseliani bilen duşuşdy.Duşuşygyň barşynda taraplar dostluk we özara hormat goýmak ýörelgelerine esaslanýan türkmen-gruzin gatnaşyklarynyň yzygiderli häsiýete we işjeň ösüşe eýedigini bellediler.
Taraplar adam hukuklary bilen baglanyşykly möhüm meselelere, şeýle hem milli adam hukuklary mehanizmlerini kämilleşdirmäge we olaryň amaly taýdan durmuşa geçirilmeginiň netijeliligini ýokarlandyrmaga aýratyn üns berdiler.Degişli edaralaryň arasynda tejribe we iň gowy tejribeleri alyşmagy işjeňleşdirmegiň möhümdigi nygtaldy.
Duşuşygyň ahyrynda taraplar özara hormat goýmak we ynam esasynda yzygiderli netijeli gepleşikleri dowam etdirmäge hem-de hyzmatdaşlygy has-da çuňlaşdyrmaga taýýardyklaryny beýan etdiler.