Hünärmen myhmanhanalar dolandyryjylary jemgyýetiniň adaty aýlyk maslahatynda çykyş eden jemgyýetiň başlygy Hakan Saatçioglu üstünlikli möwsüm geçirendiklerini aýtdy.
Geçen ýyl bilen deňeşdirilende syýahatçylaryň sanynda artyş bolandygyny aýdan Hakan Saatçioglu: "16-njy oktýabra çenli, Antalýa we Gazipaşa howa menzilleriniň statistikasyna laýyklykda, 15 million daşary ýurtly myhmany kabul etdik.
Birinji orunda 3 million 250 müň rus, ikinji orunda 2 million 750 müň nemes, üçünji orunda 1 million 300 müň iňlis, dördünji orunda bolsa 1 million 100 müň polýak myhmanlarymyz bar" diýip habar berdi.
Antalýa gelen daşary ýurtly myhmanlaryň sanynda 7 göterim artyş bolandygyny aýdan Saatçioglu, ýylyň ahyryna çenli 17 million syýahatçy maksadyna ýetip boljakdygyny mälim etdi.