Türkiye Respublikasynyň esaslandyryjysy Mustafa Kemal Atatürkiň aramgähiniň ýerleşýän ýeri bolan Anytkabir 30-njy awgust Ýeňiş baýramynyň 102-nji ýyly mynasybetli adamlaryň gelim-gidimli ýerine öwrüldi.
Prezident Rejep Taýýip Erdoganyň ýolbaşçylyk etmegindäki hökümet agzalarynyň gatnaşmagynda geçirilen dabaradan soň raýatlaryň zyýaratyna açylan Anytkabiri Türkiyäniň dört künjeginden gelen müňlerçe raýat zyýarat etdi.
Ellerindäki Türkiyäniň baýdagy we güller bilen Atatürkiň mawzoleýine baran raýatlar, doga-dilegler edip mawzoleýe gül desselerini goýdular.
Esgerleriň garawul çalşygyna tomaşa eden raýatlar Anytkabir muzeýine syn etmek üçin uzyn nobatlara durdylar.
Raýatlar Türk Ýyldyzlary toparynyň çykyşlaryny uly gyzyklanma bilen tomaşa etdiler.