Türkmenistanyň Prezidenti Serdar Berdimuhamedow Gruziýa amala aşyran döwlet saparynyň çäklerinde Gruziýanyň Premýer-ministri Irakliý Kobahidze bilen gepleşikleri geçirdi.Duşuşygyň dowamynda taraplar ikitaraplaýyn hyzmatdaşlygyň häzirki ýagdaýyny we geljekki mümkinçiliklerini ara alyp maslahatlaşdylar.
Ulag-logistika hem-de energetika ulgamlary hyzmatdaşlygyň esasy ugurlary hökmünde kesgitlenildi.Hormatly Prezidentimiz Serdar Berdimuhamedow häzirki zaman türkmen-gruzin gatnaşyklarynyň toplumlaýyn häsiýete eýedigini belledi.Döwlet Baştutanymyz Türkmenistan tarapyndan gruzin hyzmatdaşlaryna Merkezi we Günorta Aziýanyň, şeýle hem Aziýa — Ýuwaş umman sebitiniň geljegi uly bazarlaryna çykmaga ýardam bermäge taýýardygyny tassyklady.
Taraplar ileri tutulýan möhüm taslamalaryň biri hökmünde Owganystany, Türkmenistany, Azerbaýjany, Gruziýany we Türkiýäni birleşdirýän Lazurit halkara ulag geçelgesini aýratyn bellediler. Şeýle hem gepleşikleriň dowamynda Türkmenistanyň energetika ulgamynda hyzmatdaşlygy has-da giňeltmäge gyzyklanmasy beýan edildi.
Türkmen tarapy bu ugur boýunça anyk geljegi uly taslamalary we mümkinçilikleri jikme-jik ara alyp maslahatlaşmaga taýýardygyny tassyklady.