Azerbaýjanyň Goranmak ministrligi serhet zolagynda Ermenistanyň ýaragly güýçleri tarapyndan od açylmagy netijesinde 1 esgeriň şehit bolandygyny habar berdi.
Azerbaýjanyň Goranmak ministrliginden berilen beýanatda Ermenistanyň ýaragly güýçleriniň meçew bermeleri netijesinde Azerbaýjanyň goşunyndan Muhammet Garaýew atly esgeriň şehit bolandygy mälim edildi.
Beýanatda operasiýa şertleriniň Azerbaýjanyň goşunynyň gözegçiligi astyndadygy aýan edildi.
Azerbaýjanyň Goranmak ministrliginden berilen başga bir beýanatda bolsa Ermenistan güýçlerine degişli kamikaze uçarmansyz howa ulaglarynyň täsirsiz ýagdaýa getirilendigi habar berildi.
Ermenistan-Azerbaýjan serhedinde eýýäm 3 gün bäri çaknyşyklar we dartgynlyklar dowam edýär.
10-njy maýda Zod sebiti ugrunda Ermenistanyň harby liniýalaryndan Azerbaýjanyň goşunynyň harby liniýalaryna garşy od açylmaga başlandy. Hüjümleriň netijesinde Azerbaýjanyň goşunyndan 1 esger şehit boldy, 1 esger agyr ýagdaýda ýaralandy.