Azerbaýjanyň Içeri işler ministrliginden berilen beýanatda, ýurduň paýtagty Baku şäheriniň Şüweýlan şäherçesinde ozal ençeme gezek tussaglykda saklanan we soňky wagtlar hem gözlegde bolan Röwşen Allahwerdiýewiň (38) özüni göz tussaglygyna almak isleýän polisiýa işgärlerine garşylyk görkezendigi mälim edildi.
Öz maşgala agzalaryny galkan hökmünde ulanyp gaçmaga synanyşan Röwşen Allahwerdiýewiň polisiýa işgärlerine aw tüpeňi bilen ot açandygy bellenen beýanatda, ýaragly çaknyşygyň netjesinde polisiýa gullugynyň 3 işgäri bilen asuda ilatdan 1 adamyň ýogalandygy aýan edildi.
Beýanatda Röwşen Allahwerdiýewiň polisiýa işgärleri tarapyndan täsirsiz ýagdaýa getirilendigi, waka bilen baglanşykly derňew işiniň başladylandygy habar berildi.