Prezident Gurbanguly Berdimuhamedow 8-nji noýabrda agyr atletika boýunça Halkara federasiýasynyň (IWF) prezidenti Tamaş Aýany kabul etdi.
Duşuşygyň dowamynda hyzmatdaşlygyň gelejegi we DÇ-2018-iň netijeleri barada pikir alşyldy.
TDH-nyň ýazmagyna görä, “prezident Türkmenistanyň ýakyn geljekde welotrek, sambo, boks, şeýle-de kenarda oýnalýan Aziýa oýunlary boýunça dünýä derejeli ýaryşlary geçirmek babatda ýüztutmalary kabul edendigini habar berdi”.
Neşir döwlet baştutanynyň “geljekde agyr atletika boýunça ýaryşlary ýene-de kabul etmäge taýýardygyny aýdandygyny” haba berdi. Tamaş Aýan öz gezeginde Berdimuhamedowa teklibi üçin hoşallyk bildirip, ýolbaşçylyk edýän federasiýasynyň geljekde hem agyr atletika boýunça türkmen mekdebiniň has-da ösdürilmegine hemmetaraplaýyn goldaw berjekdigini aýtdy.
Ýatladýarys, Aşgabatda 1-nji noýabrdan 10-njy noýabra çenli aralykda agyr atletika boýunça Dünýä çempionaty geçirilýär.