Türkmenistanyň prezidenti Gurbanguly Berdimuhamedow maliýe ministri Muhammetguly Muhammedowa we saglygy saklaýyş we derman senagaty ministri Nujrmuhammet Annanepesowa wezipe borçlaryny göwnejaý ýerine ýetirmän, garamagyndaky edara kärhanalaryň işine ýolbaşçylyk etmekde kemçiliklere ýol berendigi üçin berk käýinç yglan etdi. Bu barada TD döwlet habar gullugy habar berýär.
Şeýle-de prezident, “wezipe borçlaryny talaba laýyk ýerine ýetirmän, işde goýberen kemçilikleri üçin“, Merkezi bankyň başlygy Merdan Annadurdyýewe berk käýinç yglan etdi hem-de ýol berlen kemçilikleri gysga wagtyň içinde düzetmegi we bank edaralarynyň işine berk gözegçiligi amala aşyrmagy tabşyrdy.
Şol bir wagtda prezident Berdimuhamedow “milli manadyň satyn alyş ukybynyň ýokarlanmagy, bank hyzmatlarynyň görnüşleriniň we hiliniň gowulandyrylmagy, ýerli önümleriň eksportynyň köpeldilmegi hem-de walýutada gelýän girdejileriň artmagy” barada aladalaryny bildirdi.
Ýatladýarys, prezident maliýe-ykdysady pudagyň ýolbaşçylaryna “maliýe sistemasynyň durnuklylygyny, inwestisiýa aktiwligini, manadyň durnuklylygyny we satyn alyş ukybyny, şeýle-de ýurtda öndürilýän önümleriň eksportyny artdyrmagy üpjün etmegi 6-njy aprelde hem tabşyrypdy.
“Türkmenistanyň Hronikasy” 17-nji martda nyrhlaryň ýokarlanýandygyny we türkmen manadynyň hümmetiniň peselýändigini habar berdi.
Dollaryň “gara bazardaky” nyrhy $1 7,2 7,5 manat derejesinde kesgitlenýär.Resmi kurs bolsa, ozalkylary ýaly $1- 3,5 manatda saklanýar.