Türkmenistanyň prezidenti soňky döwürde käbir desgalaryň möhletinden gijikdirilip gurulmagyndan, beýlekileriniň bolsa, hasap-dan-hasaba berilmän, eýesiz galmagyndan nägile boldy.
TDH-nyň habar bermegine görä, döwlet baştutany wise-premýer Goçmyrat Myradowdan, maliýe we ykdysadyýet ministri Batyr Bazarowdan ähli gurluşygy gutaran desgalarda barlag geçirmegi, degişli çäreleri görmegi tabşyrdy.
“Döwlet topary kabul edip alnandan soň, şol desgalary ulanmak üçin buýrujylaryň hasabyna geçirmeli” diýip, prezident Gurbanguly Berdimuhamedow Türkmenstandartlary baş döwlet gullugynyň başlygy, gurluşyk materiallaryna gözegçilik we sertifikat bermekde jogapkär Merdan Kakabaýewe käýinç yglan etdi.
Maglumat: “Türkmenstandartlary” baş döwlet gullugy döwlet guramasy bolup, Türkmenistanda standartlaşdyryş, sertifikatlaşdyryş, akkreditirleýiş, metrologiýa, zähmeti we ýerasty baýlyklary goramak, senagat howpsuzlygy babatda öňdebaryjy innowasion tilsimatlary girizýär, bu ugurlar boýunça kadalaşdyryjy-usulyýet resminamalarynyň ýeke-täk maglumat gaznasyny döredýär we reýestrleri ýöredýär.