Ysraýylyň Premýer-ministri Binýamin Netanýahu, Tel-Awiw bilen Hamasyň arasynda ýesir çalşygy üçin gepleşik geçirilmegi meselesiniň gün tertibinde esasy orun eýeleýän döwründe ABŞ-nyň Döwlet sekretary Entoni Blinken bilen duşuşdy.
Ýakyn Gündogar ýurtlaryna guraýan saparynyň çäginde şu gün irden Ysraýyla giden Blinken, Tel-Awiwde Netanýahu bilen duşuşdy.
Ysraýylyň Premýer-ministrliginden berlen beýannamada, Blinkeniň Ministrler kabinetiniň agzalary bilen hem duşuşjakdygy nygtaldy.
Beýannamada Netanýahu-Blinken duşuşygynda seljerlen ugurlar barada bolsa maglumat berilmedi.
7-nji oktýabrdan bäri Ýakyn Gündogar ýurtlaryna 6-njy saparyny guraýan ABŞ-nyň Döwlet sekretary, Ysraýyldan öň Saud Arabystanynda we Müsürde saparda boldy.