Yslam Hyzmatdaşlyk guramasy, BMG-nyň Howpsuzlyk geňeşine Gazada hüjümleriň bes edilmegi boýunça gazanylan ylalaşygyň gerimini giňeldip, Ysraýylyň basyp alyşlygyny doly bes etmäge çagyrdy.
YHG Ysraýylyň palestinli asuda ilata, mukaddes ýerlere we goňşy ýurtlara garşy guraýan hüjümini ýazgardy.
YHG-nyň adyndan Geňeşiň Ýakyn Gündogar temaly oturluşygyna ýolbaşçylyk eden Türkiýäniň BMG-nyň ýanyndaky hemişelik wekili Ahmet Ýyldyz, guramanyň Gaza üçin ylalaşyk şertnamasynyň we BMG-nyň Howpsuzlyk geňeşiniň 2803 belgili kararynyň çäginde şertnamanyň ikinji tapgyrynyň başlamagyna kanagatlanma bildirýändigini emma Gazada we basyp alyşyk astyndaky Palestiniň beýleki sebitlerinde ýagdaýyň gün saýyn agyrlaşýandygyny nygtady.
Ahmet Ýyldyz palestin halkynyň Ysraýylyň basyp alyşlygy we düzgün bozmalary sebäpli agyr günleri başdan geçirmäge dowam edýändigini belledi.
Ýyldyz, Ysraýylyň Gazada esasan bosgunlara we ýaşaýan ýerlerini terk eden asuda ilata garşy guraýan hüjümlerini, Günbatar Şeriadaky gelmişekleriň ilatly ýerelere, mekdeplere we mukaddes ýerlere guraýan hüjümlerini dowam etdirýändigine ünsi çekdi.
YHG “Ýakyn Gündogarda durnukly parahatçylygyň Ysraýylyň Siriýada ýerleşýän we basylyp alynan Golan depeleri bilen birlikde basylyp alynan arap territoriýalaryndan doly çykmagyny we BMG-nyň Howpsuzlyk geňeşiniň 1967-nji ýylda kabul edilen 242, 1973-nji ýylda kabul edilen 338 we 1981-nji ýylda kabul edilen 497 belgili kararlarynyň doly ýerine ýetirilmegini talap edýär” diýildi.
YHG Ysraýylyň 2024-nji ýylyň 8-nji dekabryndan bäri halkara hukugyna, BMG-nyň düzgünnamalaryna we 1974-nji ýylda baglaşylan şertnama garamazdan Siriýa guraýan hüjümlerini ýazgardy.
YHG Liwandaky çaknyşyklaryň bes edilmegine kanagatlanma bildirdi we Liwanyň jebisligine we bitewiligine goldaw berýändigini ýene-de bir gezek mälim etdi.
Ysraýyl 2023-nji ýylyň oktýabr aýynda başladan genosid söweşinde Gazada esasy bölegi zenanlardan we çagalardan ybarat 72 müň 500 palestinlini öldürdi.
Tel-Awiw Liwanda 2-nji martdan bäri azyndan 2 müň 534 adamy öldürdi, 7 müň 863 adamy ýaralady.
Ysraýylyň hüjümleri sebäpli Liwanda 1,6 milliondan gowrak adam hem ýaşaýan ýerini terk etdi.