Moto GP boýunça möwsümiň iň soňky, 19-njy ýaryşy Ispaniýanyň Walensiýa şäherinde geçirildi. 4 kilometrlik Rikardo Tormo trassasynda geçirilen 27 aýlawy çempionlygyny ozal yglan eden ispaniýaly Mark Markes (“Repsol Honda”) ýeňiş bilen tamamlady. 46 minut 34 sekuntda pellehana gelen Markes şu ýylky 12-nji, karýerasyndaky 56-njy ýeňşini gazandy. Ýaryşda “Petronas Yamaha” toparynyň fransiýaly sürüjisi Fabio Kuartararo 2-nji, “Pramac Ducati” toparynyň awstraliýaly piloty Jek Miller 3-nji ýeri eýeledi.