Ýewropa futbolynyň hojaýyny UEFA öz garamagyndaky klub ýaryşlarynyň finalynda jürlewük çaljak eminleri mälim etdi. Şoňa görä, 10-njy iýunda Stambulda Mançester Siti bilen Interiň arasyndaky finala polşaly Simon Marçiniak eminlik eder. Ol Katar 2022 Dünýä Kubogynyň finalynda-da jürlewük çalypdy. Oňa Pawel Sokoniçki bilen Tomaş Listkiewiç ýardam berer. Duşuşygyň 4-nji emini rymuniýaly Istwan Kowaç bolar.
31-nji maýda Budapeştde Sewilýa bilen Romanyň arasyndaky UEFA Ýewropa Ligasynyň finalyna-da angliýaly Antoni Teýlor eminlik eder.
7-nji iýundaky West Ham bilen Fiorentinanyň arasynda Pragada geçiriljek Ýewropa Konferensiýa Ligasynyň final duşuşygynda ispaniýaly Karlos del Serro Grande jürlewük çalar.
Zenanlaryň arasyndaky UEFA Çempionlar Ligasynyň finalyna-da uelsli Çeril Foster eminlik eder. Barselona bilen Wolfsburgyň arasyndaky duşuşyk 3-nji iýunda Niderlandlaryň Eýndhowen şäherindäki Phillips stadionynda oýnalar.