Elektron enjamlaryň, awtoulaglaryň we beýleki serişdeleriň esasy bölegi bolan çipler soňky ýyllarda has kämilleşdirildi. Bu bolsa, enjamlaryň öndürijilik kuwwatyny artdyrmaga ýardam edýär. Şeýle bolansoň, bu ugra has köp maýa goýum gönükdirilýär. Çaklamalara görä, şu ýyl çip satuwynyň geçen ýyla garanyňda 18,8 göterim artyp, 629,8 milliard dollara ýetmegine garaşylýar.
Gartner maslahat beriş kompaniýasynyň taýýarlan maglumatyna görä, geljek ýyl çip satuwynyň 13,8 göterim artyp, 716,7 milliard dollara ýetmegine garaşylýar.
Soňky ýyllarda emeli aň çiplerine hem has köp maýa goýum gönükdirilýär.
Baýrammuhammet GOŞUNOW, Türkmen döwlet maliýe institutynyň talyby.