SANA habarlar gullugyna görä, paýtagt Damaskda Goranmak ministrliginiň golaýynda bolan partlamada siriýaly 1 esger ýogaldy, birnäçe esger ýaralandy.
Siriýanyň Goranmak ministrliginiň SANA habarlar gullugyna beren beýannamasynda, Damaskyň Bab Şarki etrapçasynda ministrlige degişli binanyň golaýynda partlaýjy enjamyň tapylandygy nygtaldy.
Beýannamada howpsuzlyk güýçleriniň partlaýjy enjamy täsirsiz ýagdaýa getirmek üçin gyssagly herekete geçendigi, şol sebitde başga bir ulaga goýlan bombanyň ýarylmagy sebäpli 1 esgeriň ýogalandygy, birnäçe esgeriň hem ýaralanandygy bellenildi.
“Alikhbariah TW” partlamada 1 esgeriň ýogalandygyny, 12 esgeriň ýaralanandygyny habar berdi.
Terrorçylykly hüjümiň jogapkärçiligini öz üstüne alan bolmady.
Başar Asadyň 2024-nji ýylyň ahyrynda häkimiýetden çetleşdirilmeginden soň Prezident Ahmed al Şara 2025-nji ýylyň ýanwar aýynda wezipesine girişdi.