Argentinanyň milli ýygyndysy Dohadaky 974 stadium stadionynda geçirilen DÇ-2022-niň üçünji tapgyrynyň oýnunda Polşany 2:0 hasabynda ýeňip, pleý-off tapgyryna ýollanma aldy.
Duşuşykda hasaby 46-njy minutda Aleksis Makallister açdy. Ikinji gol 67-nji minutda Hulian Alwaresiň adyna ýazyldy.
Oýnuň esasy wakalarynyň biri hökmünde 38-nji minutda Polşanyň derwezeçisi Woýseh Şensiniň Messiniň ýüzüne urandygy üçin VAR-da geçirilen seljermeden soňra penaltiniň bellenilmegini hem-de argentinaly hüjümçiniň urgusynyň Şensni tarapyndan gaýtarylmagyny görkezip bolar.
Argentina bu ýeňişden soňra C toparçasynda birinji orun bilen pleý-off tapgyryna adyny ýazdyrdy. Toparçada ikinji orun Polşa (4 utuk), üçünji orun (4 utuk) we iň soňky ýer Saud Arabystanyna (3) degişli boldy.
Argentina 1/8 finalda Awstraliýanyň ýygyndysyna garşy meýdança çykar.
Ýeri gelende ýatlatsak, Türkmenistanyň çäginde dünýä çempionatynyň duşuşyklaryna Match tv teleýaýlymynyň üsti bilen göni ýaýlymda tomaşa etmek mümkin.