Her günde dişimizi çotgalap ýuwmalydygymyzy hemmämiz bilýäris. Eýsem, diş çotgasyny nähili arassalamalyka?
Ilki bilen, diş çotgasyny diňe suw bilen ýuwmaly. Ony arassalamak üçin başga arassalaýjy serişdeleriň hiç birini ulanmaly däl.
Suw bilen mazaly ýuwlandan soňra aşhana kagyzyna dolap goýuň! Şeýdilende, onuň üstündäki göze görünmeýän bölejikleri kagyz özüne siňdirýär. Birnäçe sagatdan soňra kagyzy aýryp, suw bilen durlanyňyzdan soňra ulanyp bilersiňiz.
Diş çotgasyny tozanly we ş.m. siňip biljek ýerde goýmaň!
Her gezek ulanylandan soňra, mazaly ýuwup, suwuny başaşak tutup silkmek arkaly guradyň!
Gyzgyn suw hapany has gowy arassalaýar. Gap-gaçlar ýuwlanda gyzgyn suwdan peýdalanylsa, ýag we beýleki hapalar aňsatlyk bilen aýrylýar. Gaýnan suw diş çotgasyndaky mikroblary ýok edýär. Diş çotgasyny 5 minut çemesi gaýnan suwa salyp goýuň!
Ak sirke garylan suwda bir gije goýlan diş çotgasy hem gowy arassalanar.
Unutmaň, hernäçe arassalanýan hem bolsa, diş çotgasyny üç aýdan köp ulanmak maslahat berilmeýär!
Taýýarlan Aýmyrat Hudaýberdiýew,
Türkmen oba hojalyk institutynyň talyby.