Fiziki taýdan güýçlüligi bilen tapawutlanýan meşhur hüjümçileriň biri Didie Drogba professional futbol karýerasyny tamamlady. 1978-nji ýylda Kot-d’Iwuarda dünýä inen Drogba 1998-nji ýylda “Le Man” toparynda futbola başlady. 20022003 möwsüminde “Gengamda”, soňra 1 möwsüm “Marselde” çykyş etdi. 2004-nji ýylda özüne uly şöhrat getiren “Çelsä” transfer bolup, 2012-nji ýyla çenli bu toparda oýnady.
Londonlylar bilen Çempionlar ligasynyň kubogyny asmana göteren afrikaly ýyldyz “Şanhaý Şenhua”, “Galatasaraý” klublaryndan soň, 2014-nji ýylda 1 möwsüm ýene-de “Çelsiniň” köýnekçesini geýdi.Karýerasynyň soňky 3 ýylyny ABŞ-nyň klublarynda — “Monreal Impakt” bilen “Finiks Raýzing” toparlarynda oýnady.
Klub karýerasynda 685 oýunda 300 gol geçiren Drogba Kot-d’Iwuaryň ýygyndysynda-da 104 duşuşykda 65 gezek tapawutlandy.Angliýada 4, Türkiýede 1 sapar çempionlyk gazanan Drogba 2 gezegem Afrikada ýylyň futbolçysy saýlandy.
Angliýaly ýarymgoragçy Jou Koul hem 37 ýaşynda futbol karýerasyna soňky nokady goýdy. 1998-nji ýylda “West Hamda” oýnap başlan Koul 20032010-njy ýyllar aralygynda “Çelside” çykyş etdi.
Bu klubda uly meşhurlyk gazanan Koul Angliýanyň “Liwerpul”, “West Ham”, “Aston Willa”, “Kowentri Siti”, 2011/2012 möwsüminde-de Fransiýanyň “Lill” toparynyň köýnekçelerini geýdi. 20162018-nji ýyllarda-da ABŞ-nyň 2-nji ligasynyň wekili “Tampa Bay Rowdies” klubunda çykyş eden Koul Angliýanyň milli topary bilen 56 gezek meýdança çykdy (10 gol).