Fransiýanyň Prezidenti Emmanuel Makron "France 2" telewideniýe kanalyna beren beýanatynda, 24-nji fewraldan bäri dowam edýän Russiýa-Ukraina söweşiniň ýurduna ýetirýän ýaramaz täsirleriniň üstünde durup geçdi.
"Şu gün garaşlylyklarymyzyň netijesi bolan inflýasiýadan geçýäris" diýip aýdan Emmanuel Makron, inflýasiýanyň Fransiýada takmynan 6,5 göterimdigini, Ýewro zolagynda bolsa takmynan 10 göterimdigini habar berdi.
Hojalyklar üçin elektrigiň we tebigy gazyň bahalaryndaky artyşyň 2023-nji ýylyň ilkinji aýlarynda iň köp 15 göterim boljakdygyny aýdan Emmanuel Makron, şol bahalaryň kiçi göwrümli kärhanalary hem öz içine aljakdygyny mälim etdi.
Kärhanalardaky tebigy gazyň we elektrik toklaryň bahalaryndaky ýokarlamany amortizasiýa etmek üçin täze bir mehanizmi durmuşa geçirjekdiklerini aýdan Emmanuel Makron, energiýa bahalarynyň ýokarlamagyna garşy sürüjiler we uly kärhanalar üçin etjek täze ädimleri barada gürrüň berdi.