Prezident R.T.Erdogan: “Gresiýa howa giňişligimizi bozup, uçarlarymyzy biynjalyk etmek bilen başlan duşmançylykly çemeleşmelerini S-300 radar bloguny açmak derejesine göterip, NATO we onuň ýaranlaryna uly äsgermezçilik etdi” diýdi.
Prezident Erdogan 30-njy awgust Ýeňiş baýramy mynasybetli berilen konsertde çykyş etdi.
Beýik hüjümiň Gresiýa bilen bilelikde duşman goşunlaryna garşy göreşiň soňky tapgyry bolan Ýeňiş baýramynyň 100-njy ýylyny belläp geçýändiklerini ýatladan Erdogan, Gresiýa bilen başdan geçirilýän dartgynlyklar hakynda-da durup geçdi.
Erdogan: “Gresiýa ne syýasy ne ykdysady ne-de harby taýdan biziň bäsdeşimiz ýa-da hyzmatdaşymyz däl.Bir asyr ozal bolşy ýaly şu günki günde-de Gresiýadan peýdalanyp ýurdumyzyň wagtyny we güýjüni puja çykarmaga synanşýanlaryň esasy niýetini biýäris.
Gresýa howa giňişligimiz bozup, uçarlarymyzy biynjalyk etmek bilen başlan duşmançylykly çemeleşmesini S-300 radar bloguny açmak derejesine göterip, NATO we onuň ýaranlaryna uly äsgermezçilik etdi.Amerika bize bermedik F-35 uçarlaryny Gresiýa hödür edip, rus howa goranyş uklgamlarynyň şol uçarlar bilen bir halta girmeginiň ýoluny öz eli bilen açdy.
Bize F-35 berjek dälmişler.Alan howa goranyş ulgamlaryna garşy durýarlarmyş, bizi gyzyklandyrmaýar.Bize berilmeýän ähli önümi öndürme ukybymyz bar” diýdi.