“FourFourTwo” neşiri futbol taryhynda iň gowy oýunçylaryň sanawyny düzdi. Bu sanawda birinji orny Fransiýanyň “PSŽ” klubunyň oýunçysy Lionel Messi eýeledi. Ikinji orunda Argentinanyň milli ýygyndysynyň düzüminde dünýä çempiony bolan Diego Maradona ýerleşdi. Üçlügi “Mançester Ýunaýtediň” hüjümçisi Kriştianu Ronaldu jemledi diýip, gazeta.ru belleýär.
Şeýle-de, bäşlige braziliýaly Pele we 1998-nji ýylda Fransiýanyň milli ýygyndysynyň düzüminde dünýä çempiony bolan Zinedin Zidan girdi.Messi “PSŽ-de” ikinji möwsümini geçirýär, ol 2021-nji ýylda “Barselonany” terk etdi.
Häzirki möwsümde Messi Fransiýanyň çempionatynda toparyň dokuz oýnunyň ählisine-de gatnaşdy, bäş gol geçirip, ýedi netijeli geçirim etdi.Transfermarkt portalynyň maglumatlaryna görä, Messiniň bazar bahasy 50 mln ýewro bilen bahalandyrylýar.
Messi “Barselonanyň” ýetişdiren oýunçysydyr.Ol esasy toparda ilkinji gezek 2004-nji ýylda çykyş etdi.Katalon kluby bilen bilelikde 35 titula eýe boldy.Ol alty gezek “Altyn topuň” eýesi boldy.