ÝB-niň Daşarky gatnaşyklardan we howpsuzlykdan jogapkär ýokary wekili Borrel, söweşden öň iň uly açyk howa tussaghanasy bolan Gazanyň şu günki günde iň uly açyk howa gonamçylygyna öwrülendigini aýtdy.
ÝB-ne agza ýurtlaryň daşary işler ministrleri, 21-22-nji martda geçiriljek ÝB-niň liderler maslahatynyň öňüsyrasynda Belgiýanyň paýtagty Brýusselde duşuşdy.
Ministrleriň gün tertibinde Russiýa bilen 2 ýyldan bäri söweşýän Ukraina berilýän harby kömekleriň artdyrylmagy we Ysraýylyň Gaza garşy 7-nji oktýabrdan bäri guraýan hüjümleri sebäpli sebitiň agyrlaşýan ýagdaýy meselesi esasy orun eýeleýär.
Borrel, maslahatdan öň beren beýannamasynda, gurama agza ýurtlaryň geçen hepde Ukraina goldaw bermek üçin döredilen gazna 5 milliard ýewrolyk pul kömeginiň berilmegi baradaky kararynyň ministrler tarapyndan resmi taýdan tassyklanmagyna garaşylýandygyny aýtdy.
Gazada başdan geçirilýän soňky wakalar hakynda durup geçen Borrel, “Gaza Ysraýylyň 7-nji oktýabrda başladan hüjümlerinden öň iň uly açyk howa tussaghanasydy. Şu günki günde bolsa iň uly açyk howa gonamçylygyna öwrüldi”diýip belledi.