Ysraýylyň goşunynyň takmynan 16 aý bäri dowam edýän hüjümlerinden soň ýaraşygyň ýola goýlan Gaza zolagynda, soňky 24 sagatda 9-y harabalyklaryň aşagyndan çykarylan jemi 13 palestinalynyň jesedi hassahanalara berildi.
Gazadaky Saglygy goraýyş ministrliginden ýola goýlan ýaraşygyň 28-nji gününde berilen ýazmaça beýanatda, Ysraýylyň hüjümlerinde başdan geçirilen adam pidalary barada maglumat berildi.
Soňky 24 sagatda hassahanalara 13 adamyň jesedi bilen ýaralanan 16 adamyň gönükdirilendigi aýan edildi. Ýogalan adamlaryň 9-synyň ýumrulan binalaryň harabalyklarynyň aşagyndan çykarylandygy, 4-siniň bolsa guralan hüjümlerde ýogalandygy mälim edildi.
Beýanatda 2023-nji ýylyň 7-nji oktýabryndan bäri Ysraýylyň hüjümlerinde ýogalan we jesetleri hassahanalara gowşurylan palestinalylaryň sany 48 müň 284 adama, ýaralananlaryň sany bolsa 111 müň 709 adama ýetendigi habar berildi.