Eýranyň Ýaragly Güýçleriniň Baş ştabynyň başlygy yslam Eýranyna garşy uruş başlatmagyň duşmanyň aýgytly we strategik taýdan ýeňlişi bilen birlikde boljakdygyny aýtdy.
Eýran Yslam Respublikasynyň Ýaragly Güýçleriniň Baş ştabynyň başlygy general-maýor Seýid Abdolrahim Musawi şenbe güni Eýran goşunynyň howa güýçleri güni (19-njy Bahman) mynasybetli iberen gutlagynda şeýle ýazdy: Şu gün Eýran Yslam Respublikasynyň howa güýçleri berk ynama, ýerli bilime we ukyplara, gymmatly operasiýa tejribesine, söweş ukybynyň yzygiderli döwrebaplaşdyrylmagyna we ýokarlandyrylmagyna hem-de hemmetaraplaýyn taýýarlyga daýanyp, iň ýokary derejede taýýar.
Ol şeýle hem bu güýç Eýranyň beýleki ýaragly güýçleri bilen doly utgaşyklylykda duşmanyň islendik howpuna, agressiýasyna ýa-da ýalňyş hasaplamasyna aýgytly, çalt we gynandyryjy jogap bermäge we islendik agressoryň agzyna berk zarba urmaga taýýardye diýip nygady.
General-maýor Musawi şeýle-de Eýran Yslam Respublikasynyň duşmanlary yslam Eýranyna garşy uruş salmak üçin edilýän islendik başdan geçirmeleriň we hereketleriň diňe bir olaryň gutarnykly we strategik ýeňilmegine getirmän, eýsem, uruş we krizisiň gerimini tutuş sebitde ýaýyp, onuň meýilnamalaşdyryjylaryna we goldawçylaryna agyr we öwezini dolup bolmajak çykdajylar saljakdygyny gowy bilýärler diýip nygtady.