Merkezi ABŞ-da ýerleşýän dünýäniň iň abraýly goranyş senagaty sanawy kabul edilýän "Defense News Top 100" sanawyndaky türk kärhanalarynyň arasynda ASELSAN 42-nji oruna mynasyp boldy.
TUSAŞ kärhanasy 50-nji oruna, ROKETSAN 71-nji oruna, MKE 84-nji oruna we ASFAT kärhanasy 94-nji oruna mynasyp boldy.
2023-nji ýylda 4 türk kärhanasynyň bar bolan sanawa şu ýyl MKE hem ilkinji gezek girmegiň hötdesinden geldi.
Geçen ýyl sanawyň 47-nji ornunda bolan ASELSAN 42-nji oruna, 58-nji orunda bolan TUSAŞ 50-nji oruna, 100-nji bolan ASFAT 94-nji oruna geçdi. Şeýlelik bilen sanawa girmegiň hötdesinden gelen türk kärhanalar geçen ýyla garanyňda orunlaryny ýokarlatdylar.
Sanawyň ilkinji 10-lugunda ABŞ-dan 6 kärhana, Hytaýdan 3 kärhana, Beýik Britaniýadan 1 kärhana bar.
Lockheed Martin sanawyň başyndaky ornuny goramak bilen birlikde, sanawda ol kärhanadan soň Aviation Industry Corporation of China we RTX kärhanalary gelýär.
Sanawyň 4-nji ornunda Northrop Grumman kärhanasy, 5-nji ornunda General Dynamics kärhanasy, 6-njy ornunda Boeing kärhanasy bar.