Şu gün Ýagşygeldi Kakaýew adyndaky Halkara nebit we gaz uniwersitetiniň Innowasiýa ylmy-okuw merkeziniň Sowadyjy we howa ulgamlary tejribehanasynyň açylyş dabarasy geçirildi.
Täze tejribehananyň açylyş dabarasynyň öňüsyrasynda halkara guramalaryň wekilleriniň, mugallymlaryň we žurnalistleriň gatnaşmagynda geçirilen maslahatda uniwersitetiň täze tejribehanasynyň mümkinçilikleri we ähmiýeti, hünärmenleriň iş ugurlarynyň aýratynlyklary dogrusynda maslahat geçirildi.
Sowadyjy we howa ulgamlary tejribehanasynda VRF-howany kondisionirleme, çiller we fankoýl, uglewodorodly sowadyjy, näsazlyklary aradan aýyrýan okuw-türgenleşik enjamlary, mundan başga-da, okuw-tejribelikde ulanyljak zerur abzallar ornaşdyrylypdyr. Bu ýerde tejribehananyň okuw meýilnamasyna laýyklykda, 8 sany ugur boýunça bilim beriler.
Ýeri gelende bellesek, bu tejribehana Birleşen Milletler Guramasynyň senagaty ösdürmek guramasynyň (UNIDO) Aşgabatdaky Ozon wekilhanasynyň hem-de Türkmenistanyň Oba hojalyk we daşky gurşawy goramak ministrliginiň hemaýatkärliginde döredildi.