Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň bejeriş işleri boýunça ýerine ýetiriji direktory — wise-prezidenti Oguljahan Atabaýewa Türkmenistanyň Arkadag medaly bilen sylaglanyldy. Türkmenistanyň Prezidenti Serdar Berdimuhamedow 10-njy dekabrda degişli Permana gol çekdi. Bu barada TDH habar berýär.
Permanda bellenilişi ýaly, Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň bejeriş işleri boýunça ýerine ýetiriji direktory — wise-prezidenti Oguljahan Atabaýewa bu ýokary sylag bilen Garaşsyz, hemişelik Bitarap türkmen döwletiniň ynsanperwer durmuş syýasatyny üstünlikli durmuşa geçirmäge, howandarlyga mätäç adamlaryň, ylaýta-da, çagalaryň jemgyýetiň we döwletiň durmuşyna mynasyp we doly derejede gatnaşmaga bolan hukuklarynyň berjaý edilmeginde, durmuş çygryny ösdürmekde, jemgyýetçilik, ynsanperwerlik, haýyr-sahawat, saglygy goraýyş edaralarynyň işini ösdürmekde, hususan-da, lukmançylyk, sagaldyş-dikeldiş babatda kömek bermekde, hemaýata mätäç çagalara, ýaşlara maliýe we maddy kömegini guramak, maslahatlary, usuly taýdan ýardam bermek işine goşan uly goşandy, döwlet we jemgyýetçilik işinde gazanan üstünlikleri üçin hem-de uzak ýyllaryň dowamynda çeken halal, yhlasly zähmeti nazara alnyp sylaglandy.