Ýemende Eýran tarapyndan goldanýan Husileriň, Gyzyl deňizde we Aden aýlagynda balistiki raketa hüjümini gurandygy nygtaldy.
ABŞ-nyň Merkezi güýçler serkerdeliginden berlen beýannamada, “6-njy fewralda, Saud Arabystanynyň ýerli wagty bilen 01.45-den 04.30-a çenli Ýemeniň Husileriň gözegçiligi astyndaky sebitlerden Gyzyl deňize we Aden Aýlagyna 6 balistiki raketa atyldy” diýildi.
Raketalardan 3-niň Aden aýlagyndan geçip barýan Marşal adalarynyň baýdagyny göterýän Gresiýa degişli ýük gämisiniň nyşana alynandygy, hüjüm sebäpli gämä zeper ýetirlendigi, wakada ýaralananyň bolmandygy bellenildi.
Beýannamada, beýleki raketa hüjümleriniň bolsa ABŞ-na degişli harby tarapyndan öňüniň alynandygy, hüjümde Britaniýa degişli ýük gämisiniň nyşana alynandygy ýatladyldy.
Husileriň lideri Abdulmelik Al Husi, Ysraýylyň Gaza guraýan hüjümleri we gabawy bes edilýänçä, Gyzyl deňizde guraýan hüjümlerini dowam etdirmek bilen hemle atdy.