Hytaýda ömrüň dowamlylygyny 100-120 ýaşa çenli uzaltmaga kömek edýän derman işlenip düzüldi. Bu barada “The New York Times” gazeti habar berýär.
Derman üzüm dänesiniň ekstraktynda saklanýan komponentlere esaslanýar, olar däp boýunça hytaý halk lukmançylygynda ulanylýar diýlip habar berilýär.
Dermanyň işläp çykaryjylar üzüm dänelerinde garraýan öýjükleri ýok edip bilýän özboluşly molekulalaryň saklanýandygyny belleýärler. Startap şeýle molekulalaryň ýokary konsentrasiýasy bolan tabletkalary öndürmek üçin tehnologiýa işläp düzendigini habar berdi. Şeýle-de bolsa, kompaniýanyň hünärmenleri ömri uzaltmak üçin sagdyn durmuş ýörelgesine eýermegi we dogry iýmitlenmegi maslahat berýärler.