Käbir ösümlikleri mör-möjekler ýa-da beýleki haýwanlar iýmeýär, olaryň özleri mör-möjekler bilen iýmitlenýär.Siňekdir arylar bilen iýmitlenýän otlar barada ozal hem eşidensiňiz.Emma Ýer ýüzünde şeýle ösümlikleriň sanynyň 700-den hem köpdügini eşidipmidiňiz?
Olaryň käbiri barada gysgaça maglumaty dykgatyňyza ýetirýäris.Küýze ösümligi: küýze şekilli gozasy bolan bu täsin ösümlikler diňe ownuk mör-möjekleri däl, eýsem gurbagalary hem awlaýar.Onuň gülleri gurbaganyň aýaklarynyň diňe hamyny siňdirip bilmeýär. Ösümligiň 100 töweregi görnüşler bar.Siňek gapany: bu ösümligiň hakyky gapana meňzeş ýapraklary bolup, oňa gonan siňekleri we beýleki mör-möjekleri duzaga düşürýär.
Olaryň halas bolmak üçin eden hereketleri has aşak gitmegini çaltlandyrýar.Ýaşyl küýze ösümligi: bu ösümligiň aşaklygyna çürelip gidýän gozalary bolup, onuň içi ýagyş suwy bilen dolýar.Mör-möjekler onuň içine girýärler, emma yzyna çykmaýarlar.Kepjebaş liliýasy: ösümligiň üsti ýapyk egri gozalaryna giren jandar yzyna çykyp bilmeýär.
Gozanyň aňyrsy görünýän aýna ýaly dury ýeri bolup, şondan çykmaga synanyşýan siňek barha çümýär.Ýagly ýaprajyk: bu ösümlige latynça “kiçijik ýagly” diýmegi aňladýan “pinguicula” diýilýär.Daşyndan seredilende semzege meňzeýän otuň ýapraklarynda ýukajyk ýelimli tüýjagazlar bar.
Oňa ýelmeşen mör-möjegiň halas boljak gümany ýok.Maýmyn käsesi: Madagaskarda, günorta-gündogar Aziýada we Awstraliýada bu ösümligiň 140-dan gowrak görnüşi ösýär. Ösümligiň ady maýmynlaryň onuň içindäki suwuklygy içýänligi sebäpli dakylypdyr.
Bu ösümlik kiçijik gurçuklar we liçinkalar bilen iýmitlenýär.Awstraliýa rosýankasy: esasan, batgalyk ýerlerde bitýän bu otuň ýapraklaryndaky ýagyş damjalaryna meňzeş suwuklyklar suwsan möjejikleri özüne çekýär.Emma bu damjalar ýelim ýaly bolup, gonan aryny sypdyrmaýar.Ýüzýän uly köpürjik: bu ösümlikler suwda ösüp, onuň saryja gülleri suwda ýaşaýan mör-möjekleri özüne çekýär.