Içeri işler ministriniň orunbasary Ismail Çatakly, paýtagt Ankara şäherinde geçirilen "Aýlyk Metbugata maglumat bermek maslahatynda", terrora garşy göreşiň arakesmesiz dowam edýändigini belläp: "Iýun aýynda ýaz/tomus we Eren Gabaw operasiýalarynyň çäginde terror guramasy PKK-a garşy geçirilen operasiýalaryň çäginde obalyk ýerlerde 8-i uly, 61-i orta derejede jemi 12 müň 654 operasiýa we ähli terror guramalarynyň şäherlerdäki gurluşlaryna we hyzmatdaşlaryna garşy 1421 operasiýa geçirildi. Şol operasiýalarda aralarynda 1-i sanawdan daşary, 1-i çal, 2-si narynç, 2-si gök kategoriýa boýunça gözlenen terrorçylar bilen birlikde jemi 142 terrorçy täsirsiz ýagdaýa getirildi.
Mundan başgada iýun aýynda terror guramalaryna kömek beren we olar bilen arabaglanşykda bolan 2 müň 791 adam göz tussaglygyna alyndy we şolaryň 405-si tussag edildi.Olar bilen birlikde iýun aýynda 16 terrorçylykly aksiýanyň öňi alyndy" diýip habar berdi.
Bikanun migrasiýa garşy göreş barada hem maglumat beren Ismail Çatakly: "Iýun aýynda 4 müň 659-y deňizlerde bolmak bilen jemi 33 müň 465 bikanun migrant we 612 guramaçy saklandy. Ýurtlaryna gaýdyp baran siriýalylaryň sany 509 müň 791-e ýetdi we belliga alynan Siriýalylaryň sany 3 million 648 müň 983-dir. Şu ýylyň başyndna bäri ýurtdan çykarylan bikanun migrantlaryň sany 48 müň 233, iýun aýynda ýurtdan çykarylan bikanun migrantlaryň sany 16 müň 710-dyr" diýip mälim etdi.